Biblioteca do Porriño

Actividade:   Club de lectura infantil.
Contido:  club de lectura para os usuarios infantís da biblioteca.
¿Para quen?:  poboación infantil, de 8 a 12 anos.
¿Cando?:   anual, os venres alternos. De 18:00 a 19:30.

Club de lectura para os usuarios infantís da Biblioteca do Porriño. Trátase dunha actividade encamiñada a que os nenos atopen nos libros o instrumento de desfrute que os anime a ler cada día. Empréganse actividades, xogos, manualidades, etc. relacionadas coa lectura programada para conseguir aumentar a súa comprensión lectora e, ao mesmo tempo, que se divirtan co seu libro.

Cada determinado tempo prográmase a lectura dun libro den concreto, que a biblioteca facilita a cada participante para que o lea na casa. Posteriormente, na biblioteca realízanse actividades relacionadas con ese libro.

Actividade anual para que os nenos e nenas atopen nos libros un instrumento de entretemento.

É unha actividade destiñada á poboación infantil de entre 8 a 12 anos (os adultos teñen á súa disposición o club de lectura de adultos), e requírese inscrición previa xa que as prazas están limitadas a 15 participantes (hai posibilidade de anotarse en lista de agarda para cubrir baixas). O club desenvolve a súa actividade de xaneiro a xuño e de outubro a decembro, todos os venres alternos e horario de 18:00 a 19:30 horas.