A biblioteca do Porriño no Congreso Nacional

congreso

A biblioteca do Porriño estivo no VIII Congreso Nacional de Bibliotecas Públicas, que se celebrou en Toledo esta semana. Ao longo dos días 16 e 17 de novembro, máis de 500 profesionais chegados desde todas as partes de España e o estranxeiro nos reunimos na capital de Castela A Mancha para debater sobre o futuro das bibliotecas. Esta nova edición do Congreso estaba dedicada ás novas tendencias en relacións aos espazos físicos e virtuais das bibliotecas públicas, prestando especial atención aos novos usos e servizos que demanda unha sociedade cada vez máis tecnolóxica e a adaptacións de novos espazos, físicos e virtuais, máis abertos, accesibles e integradores.

O Congreso resultou realmente interesante e volvemos ao Porriño cunha boa carga de ideas para pór en práctica a curto e medio prazo. Moitas ideas. De seguro que vos resultarán útiles. Temos pensado novos servizos, novas actividades e nos replantearemos o uso de diversos espazos na biblioteca segundo as necesidades expresadas polos usuarios. Volcarémonos aínda máis no espazo virtual da nosa biblioteca como parte dunha estratexia dixital: reutilización da información, alfabetización dixital, uso de redes sociais e potenciación da comunicación cos nosos usuarios; servizos baseados en contidos dixitais locais, servizos baseados nos dispositivos móbiles, implementar un carné dixital para levar no móbil, uso dun catálogo online moito máis usable, etc.

congreso2

En resumo, a participación no Congreso vai permitir que melloremos e evolucionemos, adelantándonos aos cambios que están por vir, para prestar un mellor servizo bibliotecario aos porriñeses. Facía frío en Toledo, pero volvemos con ideas moi quentes!


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s