Este mércores 28 de decembro, ás 18:30 horas no auditorio do Centro Cultural Municipal, e organizada polo departamento de cultura do Porriño, haberá unha representación de teatro infantil. Trátase dun clásico do conto infantil, “Os tres porquiños”, que levará a cabo a recoñecida compañía galega EducaTeatro. A través dunha reinterpretación moderna da obra conducida por un explorador aficionado aos contos, e coa presenza dos personaxes orixinais (os tres porcos e o lobo) a tamaño real, trátase dunha representación na que se tenta a máxima participación do público, que acabará cantando e bailando ao mesmo tempo que se lle transmiten aos máis pequenos valores como o respecto á natureza, a solidariedade ou o valor do esforzo.
Á obra de teatro ten unha duración de 50 minutos, está destinada a público familiar con cativos a partir de 2 anos e a entrada será libre ata completar aforo. Tedes máis información a través de e-cultura.net e na páxina da compañía.
Biblioteca do Porriño 