Hoxe temos de menú:
18:00 Animación á lectura: Nimbo O Argonauta. O personaxe de animación á lectura que está na nosa biblioteca ao longo de todo o ano, Nimbo O Argonauta, este xoves actuará na Praza do Concello para dar o pistoletazo de saída á Feira do Libro.
19:00 Inauguración da Feira: Concerto da Banda Municipal do Porriño
19:30 Pregón a cargo do escritor e xornalista Diego Giráldez García. O recoñecido escritor porriñés, Diego Giráldez, autor de “Galería de Saldos” e un dos personaxes máis relevantes da narrativa galega actual, fará de mestre de ceremonias no seu propio pobo.
20:00 Presentación de libro. Presentación do libro “De tu corazón a mi libro” (Editorial Círculo Rojo), de Pablo Piñeiro Taboada e Hugo Sanmartín, a cargo dos seus dous coautores. Os autores recorreron Galicia escoitando historias de amor, para crear logo un libro cheo de historias de amor reais, contadas polos seus propios protagonistas.
Biblioteca do Porriño 