A partir do próximo luns 16 de outubro a biblioteca do Porriño entrará a formar parte da nova rede de bibliotecas públicas de Galicia-Koha. Isto supón o acceso das nosas usuarias e usuarios, con igualdade de dereitos e obrigas, aos servizos de todas as bibliotecas integradas: máis de 100 bibliotecas galegas que se irán incorporando co tempo para formar unha rede na que traballaremos de forma cooperativa.
Supón tamén unha xestión máis eficaz e eficiente dos recursos grazas a un notable desenvolvemento tecnolóxico. Cambiaremos o programa de xestión, o catálogo, os procedementos, os impresos, as normas… Moito traballo e moitos cambios: pregamos comprensión si ao principio non podemos manter a calidade dos nosos servizos de forma normal. Literalmente: ¡estaremos en obras durante un tempo!
A integración da biblioteca do Porriño nesta nova rede suporá modificar as condicións do servizo ás nosas usuarias e usuarios. Cambios a máis e a maiores: ampliaremos a cantidade e a calidade dos nosos servizos. E xa estamos en condicións de adiantarvos algúns destes cambios:
Préstamos
Cada persoa poderá ter en préstamo da Biblioteca do Porriño un máximo de:
– 5 libros, por un máximo de 21 días cada un, coa posibilidade de 1 renovación polo mesmo prazo
– 2 DVD, por un máximo de 7 días cada un, coa posibilidade de 1 renovación polo mesmo prazo.
Xa que logo, fronte aos 3 exemplares actuais, a partir do luns cada persoa poderá ter en préstamo da Biblioteca do Porriño un máximo de 7 documentos (5 libros e 2 DVD). Ademais, entre todas as bibliotecas da rede de bibliotecas podería chegar a un máximo de 20 exemplares.
Renovacións
Poderán realizarse como sempre presencialmente na biblioteca (presentando o carné) ou por teléfono, pero a partir de agora tamén poderán facerse online directamente polo usuario dende o seu espazo persoal (a través do OPAC).
A renovación pode facerse desde 5 días despois do préstamo ata o día de vencemento.
Non poderán renovarse documentos xa reservados por outra persoa.
Reservas
Poderán realizarse como sempre presencialmente na biblioteca (presentando o carné) ou por teléfono, pero a partir de agora tamén poderán facerse online directamente polo usuario dende o seu espazo persoal (a través do OPAC).
Na biblioteca do Porriño cada persoa poderá reservar un máximo de 3 libros e 2 DVD.
Sancións
Outra das novidades para respectar o acceso de todos os usuarios á nosa colección. A partir de agora aplicarase automaticamente 1 día de suspensión por cada día de atraso e exemplar. A suspensión supón non poder levar en préstamo, renovar nin reservar en toda a rede de bibliotecas.
Servizos a través do OPAC
Todos os usuarios e usuarias terán acceso ao seu propio espazo persoal a través do OPAC. Dende este espazo poderán:
- Informarse dos seus préstamos en activo, dos prazos de préstamo e as datas de vencemento.
- Renovar directamente os seus préstamos
- Realizar reservas
- Realizar suxestións de compra
- Crear lista de libros (tipo “libros pendentes para ler”)
- Acceder ao seu historial de lectura (libros e datas dos seus préstamos pasados)
- Informarse das súas posibles sancións
- Acceder ao seu historial de buscas
- Modificar os seus datos persoais e as súas contrasinais
- Etiquetar e comentar os libros do catálogo
E moitas máis cousas que vos iremos adiantando pouco a pouco. Así que a partir do luns que ven: ¡máis servizos e máis calidade!
Pois parécenme moi ben os cambios. A diferencia de poder levar 5 libros en lugar de 3 notaráse moito, reservar e renovar pola rede también. É un servicio moito máis completo que me recorda ao da universidade.
GústameGústame
A nós tamén nos parece que se mellora moito o servizo. A maiores dos libros, tamén podedes levar 2 DVD e poderíades usar o mesmo carné para levar ata 20 exemplares en total nas bibliotecas da rede. Ademais, como dis, co voso espazo online tedes maior autonomía.
Grazas pola túa opinión, Tamara.
GústameGústame