Biblioteca do Porriño

Os cursos de alfabetización dixital para maiores da Biblioteca do Porriño están pensados para a formación no uso das tecnoloxías da información e comunicación para poboación adulta en risco de exclusión dixital: é dicir, para persoas maiores con escasos coñecementos sobre o uso de ordenadores.

Trátase de cursos personalizados, para grupos reducidos dun máximo de 6 persoas, coa finalidade de que os participantes lle saquen todo o partido posible. Pola mesma, cada curso desenvolverase ao longo de 10 sesións de hora e media cada sesión (os mércores entre as 9:30 e as 11:00 horas).

Os contidos a tratar son os seguintes

• Nivel I: funcionamento básico dun ordenador
  • O rato
  • O teclado
  • Escribir un texto
  • Gardar e organizar a información: arquivos e carpetas
  • Introdución a internet

• Nivel II: internet
  • Navegar por internet e buscar información
  • Xestións básicas por internet: cita médica, ITV, xestións coas administracións…
  • Descargar documentos e imaxes
  • Gardar e organizar a información: marcadores
  • Aplicacións en internet: youtube, traductor, correo electrónico…
  • Acceso a internet desde o móbil.
• Nivel III: correo electrónico
  • Crear unha conta
  • Manexo básico do correo electrónico
  • Escribir e recibir mensaxes
  • Crear contactos
  • Ferramentas asociadas ao correo electrónico: calendario e documentos da nube.

Para o ano 2019 convocamos tres edicións deste mesmo curso:

• 1º edición: 16, 23, 30 de xaneiro; 6, 13, 20, 27 de febreiro; 6, 13, 20 de marzo
• 2º edición: 27 de marzo; 3, 10, 17, 24 de abril; 8, 15, 22, 29 de maio; 5 de xuño
• 3º edición: 2, 9, 16, 23, 30 de outubro; 6, 13, 20, 27 de novembro; 4 de decembro

Para poder participar neles é necesaria a inscrición previa na biblioteca ou chamando ao teléfono 986337624, así como ter a condición de persoa socia da Rede de bibliotecas de Galicia-Koha. Trátase dunha actividade gratuita e as prazas cóbrense por orde de inscrición, tendo preferencia as persoas empadroadas no Porriño. As persoas que non sexan do Porriño entrarán nunha lista de agarda.