Mañá comeza unha nova edición do Festival Kerouac, un interesantísimo evento de poesía, música e performance que se celebra a cabalo entre Vigo, New York e agora tamén, na Ciudad de México. Pero a parte principal do festival, que xa vai pola súa IX edición, será aquí ao lado, en Vigo, entre este xoves 3 e domingo 6 de outubro.
O Kerouac-Vigo articúlase como unha cita aberta e cosmopolita, que traballa para converter a poesía en tendencia e expoñente cultural da nosa comunidade. Trátase dun evento único no noroeste peninsular que vai crecendo co paso dos anos, unha cita moi especial para ver e escoitar diferentes expresións artísticas de carácter poético.
Nesta IX edición, o Kerouac volve a contar con artistas porriñeses. En concreto serán a escritora Beatriz Cabaleiro xunto co bailarín Daniel Rodríguez os que participen co seu proxecto conxunto de danza e poesía chamado “Danzar la voz”. Ambos os dous colaborarán no festival coa súa innovadora proposta artística, que terá lugar na Taberna do Náutico o domingo 6 de outubro entre as 12:00 e as 14:00.
Máis info: web Festival Kerouac
Biblioteca do Porriño 