O bibliotecario recomenda

biblio

La vida ante sí, Émile Ajar (Plataforma, 2018)

Confeso que non coñecía para nada a obra de Émile Ajar, seudónimo do escritor e diplomático francés Romain Gary, e único autor que gañou dúas veces o prestixioso Premio Goncourt. Cheguei a el pola recomendación doutro escritor, e non será a última novela que lea del, desde logo.

A pesar dun argumento descarnado, e dunha historia máis rigorosa aínda (prostitución, racismo, loucura, soidade…), o autor consigue escribir unha novela chea de humor, inxenuidade e tenrura, creando así un sorprendente contraste de emocións. Algo moi digno de mérito. O pequeno protagonista enfronta a vida cunha lucidez fora do común, e o autor desbarra cunha beleza literaria imprescindible.

O argumento: Momo, un neno musulmán orfo, reside na pensión clandestina da señora Rosa no suburbio parisino de Belleville. Alí convive con outros fillos de prostitutas, nun barrio cheo de inmigrantes ilegais, marxinados e todo tipo de perdedores. Momo foi abandonado cando aínda era un bebé, e foi crecendo como puido botando unha man na pensión. Pero un día as distintas enfermidades que padece a señora Rosa comezarán a consumila, e Momo, aos seus catorce anos, deberá coidar dela tamén, xunto coa señora Lola (ex boxeador senegalés travestí) e o señor Waloumba (barrendeiro camerunés).

Romain Gary presentou esta novela ao Premio Goncourt 1975 usando o seudónimo de Émile Ajar. Gañouno, e tomouse a liberdade de non identificarse durante bastante tempo, o cal xerou unha enorme polémica e problemas legais que non se resolverían ata pouco antes do seu suicidio no 1980. Con elo, Gary quería burlarse da alta cultura francesa e a crítica, que desprezaban a súa propia obra pero que non dubidaron en celebrar a literatura do inédito Émile Ajar, un xenio descoñecido para todos, sen saber, por suposto, que se trataba do mesmo escritor.

Enlace ao catálogo


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s