Queremos facilitarvos as cousas para que poidades facer as vosas seleccións de lectura máis facilmente e, dado o contexto no que estamos, con todas as garantías de hixiene. Por iso apropiámonos da idea dos menús de moitos restaurantes e creamos estes carteis de códigos QR con distintas suxestións de libros da biblioteca.
Atoparedes os carteis por todo o edificio e tamén na porta de entrada, para que poidades facer a vosa selección de lecturas previamente e con tranquilidade antes de achegarvos ao mostrador de préstamo.
Seguro que xa estades acostumados a usar este tipo de códigos QR:
1. Abrides a app de fotos ou escáner do voso móbil
2. Escaneades o código correspondente
3. Consultades a selección de libros
Os códigos conducen directamente a listaxes do noso catálogo, onde poderes atopar máis info de cada libro, si están prestados ou dispoñibles, etc. Parécenos unha utilidade moi práctica, esperamos que lle saquedes partido.
Biblioteca do Porriño 