Actividades

ores.

Calendario de actividades:

FORMACIÓN DE ADULTOS:


Curso básico sobre ferramentas de Google
Google ten a vantaxe de acceder a todas as súas aplicacións a través dunha conta de usuario/a, compartindo datros entre elas. Este curso servirá para aprender a utilizar estas útiles ferramentas gratuítas de Google (Google Drive, Calendar, Keep, Docs, Formularios, etc).
DATAS: xoves de 18:00 a 20:00 horas (días 8, 15, 22, 29 marzo).
MÁIS INFO>>>>>>


Curso básico de lingua de signos
Curso sobre a lingua propia da comunidade xorda. A súa aprendizaxe facilita a comunicación con persoas que pertencen a este colectivo, favorece a atención a persoas con diversidade funcional, amplía as nosas posibilidades persoais e laborais , e favorece a participación e inclusión social de todos e todas.
DATAS: xoves e venres, de 18:00 a 20:30 nas seguintes datas: 7, 8, 14, 15, 21, 22, 28 febreiro e 1 marzo.
MÁIS INFO>>>>>>


Alfabetización dixital para maiores
Formación básica en informática e internet para persoas maiores. Personalizados e de grupos reducidos. Hai 3 edicións, cada unha de 10 sesións de hora e media
DATAS:

  • 1º edición: 16, 23, 30 de xaneiro; 6, 13, 20, 27 de febreiro; 6, 13, 20 de marzo
  • 2º edición: 27 de marzo; 3, 10, 17, 24 de abril; 8, 15, 22, 29 de maio; 5 de xuño
  • 3º edición: 2, 9, 16, 23, 30 de outubro; 6, 13, 20, 27 de novembro; 4 de decembro

MÁIS INFO>>>>>>


Curso de español para inmigrantes
Curso de español para persoas inmigrantes, enfocado para a preparación do DELE A2 (Diploma de Español como Lingua Estranxeira) do Marco Común de Referencia para as Linguas (MCER) expedido polo Instituto Cervantes.
DATAS: martes e xoves, de 09:30 a 11:00, do 5 de marzo ao 11 de xuño.

MÁIS INFO>>>>>>


Feira do Libro de Galicia
As novidades editoriais saen á rúa para achegarlle á cidadanía o libro e a lectura. Postos de venda de exemplares e unha extensa programación de actividades paralelas dirixidas a todas as idades: charlas, encontros con autores e autoras, espectáculos infantís, presentacións de libros… Organizámola en colaboración coa Federación de Librarías de Galicia
DATAS: 9, 10, 11 e 12 de maio


Obradoiro de cociña sen glute
Obradoiro de cociña contemplado como unha actividade didáctica á vez que informativa e de sensibilización sobre a celiaquía. Organizámola con motivo do “Día Nacional do Celíaco” (27 de maio) en colaboración coa Asociación de Celíacos de Galicia (ADEGA).
DATAS: venres 31 de maio, de 17:00 a 20:30 horas.


Charlas sobre alfabetización informacional
Charlas para estudantes de 3º e 4º de ESO titulada “Busca, selección e uso de información de internet: máis alá da Wikipedia”. Nela analizaranse as distintas fases que deben darse para unha boa busca en internet, así como a selección dos contidos e o uso adecuado dos mesmos (actividade concertada cos centros escolares).
DATAS: mércores do 2 de outubro ao 4 decembro, de 11:50 a 12:45 horas.


Curso básico para aprender a falar en público
Formación para aprender as ferramentas necesarias para falar en público, reducir o medo, desenvolver habilidades sociais na comunicación interpersoal… Destinado a persoas que desexen mellorar a súa capacidade comunicativa diante de grupos, para charlas, traballos finais de carreira, oposicións, xuntas directivas, etc.
DATAS: venres 4, 11, 18 e 25 de outubro, de 17:30 a 20:00 horas.


Wiki-maratón
Evento de edición colectiva e simultánea en Wikipedia, aberto ao público, no que persoas con distintos niveis de experiencia reúnense para mellorar ou crear artigos, usando para iso fontes previamente recompiladas que son facilitadas.
DATAS: luns 12 de outubro, de 16:00 a 20:00 horas.


Obradoiro de ciencias para escolares
Obradoiro de divulgación científica con motivo da conmemoración do “Mes da ciencia en galego” nas bibliotecas. Actividade concertada cos alumnos de 6º de educación primaria do concello.
DATAS: martes e xoves (5, 7, 12, 14, 19, 21, 26 e 28) de novembro, de 11:15 a 12:45 horas.


Club de lectura de adultos
Grupo de lectores/as adultos/as que se reúnen periódicamente co fin de comentar e intercambiar opinións sobre os libros que lles proporcionamos.
DATAS: luns alternos, de 18:30 a 20:00 horas (xan-xuñ / out-dec).
MÁIS INFO>>>>>>


Grupos de conversación en inglés
Grupos guiados para practicar inglés de conversación en dous niveis de coñecemento (básico e medio).
DATAS: martes, do 5 febreiro ao 28 de maio e do 1 de outubro ao 26 de novembro. Nivel básico (18:00-19:00), Nivel medio (19:05-20:05)
MÁIS INFO>>>>>>




ANIMACIÓN Á LECTURA:


Data: 07/02/2019, ás 18:00
Compañía: A trastenda dos contos
Actividade: Contos de medo que deixan durmir
Idade recomendada: 4-10 anos
Descrición: espectáculo para toda a familia onde aprendemos a rirnos de nós mesmos. Achegarémonos ao medo desde a risa, desde a bondade duns personaxes, en principio, misteriosos. Un paseo ao longo da traidición mística galega por un camiño cheo de boas sorpresas.
Duración: 60 min.

MÁIS INFO>>>>>>


Data: 14/02/2019, ás 18:00
Compañía: Carlos Coira
Actividade: Abrabebé
Idade recomendada: 0-3 anos
Descrición: partindo dos libros que forman a colección “Conto cinco sentidos” da editorial OQO, articúlase este espectáculo para bebés onde se xuntan a maxia, o clown, o xogo con obxectos e a lectura en voz alta para facer unha viaxe polo mundo dos sentidos gozando do xogo e dos libros.
Duración: 35 min.

MÁIS INFO>>>>>>


Data: 21/02/2019, ás 18:00
Compañía: Donde viven los cuentos
Actividade: Monstruosas emocións
Idade recomendada: 0-8 anos
Descrición: contacontos-obradoiro de intelixencia emocional, no que usando o conto “O monstro de cores” de Anna Llenas, os nenos e nenas irán recoñecendo as distintas emocións (alegría, tristeza, medo, rabia, calma e amor) a través de diferentes xogos e dinámicas.
Duración: 60 min.

MÁIS INFO>>>>>>


Data: 28/02/2019, ás 18:00
Compañía: Trinke-Trinke Teatro
Actividade: Avós
Idade recomendada: 3-8 anos
Descrición: unha nova aventura dos coñecidos Ratos de Lonxedetodo. O ciclo da vida e o respecto debido aos anciáns son os dous temas tratados neste espectáculo.
Duración: 45 min.

MÁIS INFO>>>>>>


Data: 14/03/2019, ás 18:00
Compañía: Raquel Queizás
Actividade: Raposadas
Idade recomendada: 3-12 anos
Descrición: raposadas é unha selección de contos populares de tradición oral de Galicia. Os contos están protagonizados por animais personificados que se debaten entre o uso da forza bruta e o uso da intelixencia para a resolución de conflitos. A través de eles se fomenta o respecto pola natureza, usando adiviñas, xogos e cancións.
Duración: 50 min.

MÁIS INFO>>>>>>


Data: 21/03/2019, ás 18:00
Compañía: Trécola Teatro
Actividade: Amodo, amodiño
Idade recomendada: 4-10 anos
Descrición: Miska e Muska son dúas grandes amigas unidas por unha paixón común: a bicicleta. Tras un inesperado reencontro, comezarán a rememorar historias que viviron xuntas: cando se coñeceron, nunha tola viaxe polo mundo; de Lolo, que aprendeu a montar só; da pita Amelia, que quería uns patíns; ou da peculiar carreira entre unha lebre e unha tartaruga.
Duración: 40 min.

MÁIS INFO>>>>>>


Data: 28/03/2019, ás 18:00
Compañía: Anxo Fariña
Actividade: Gliz. O pastor de nubes e o pintor de flores
Idade recomendada: 3-6 anos
Descrición: Gliz é un can de palleiro que vive nunha casa-árbore cunha familia de nubes. Nese mundo tan especial as flores perden as súas cores pola noite, e Matís (o pintor de flores) é o encargado de pintalas de novo. ¡Pero un día manca unha man! Unha narración oral con divertidos xogos motrices e con debuxo en directo do escritor e ilustrador Anxo Fariña.
Duración: 45 min.


Data: 04/04/2019, ás 18:00
Compañía: Fátima Fernández
Actividade: Contos Pop-Up
Idade recomendada: 4-16 anos
Descrición: desprega a túa imaxinación,  déixate levar pola voz e por esas obras de enxeñería de papel que son os contos pop-up. Os elementos animados invítannos a participar activamente coa historia e mesmo co libro como obxecto.
Duración: 60 min.


Data: 11/04/2019, ás 18:00
Compañía: Luis Prego
Actividade: Prende no colo
Idade recomendada: 0-3 anos
Descrición: obradoiro didáctico para pais e nais con crianzas de 0 a 3 anos. Traballarase con cantigas, cancións, xogos de dedos, poemas e outras pezas cheas de ritmo e melodía a partir de temas tradicionais galegos. O obradoiro servirá de base para que as familias poidan cantar e xogar despois nas súas casas. Aprenderemos cancións de berce e xogos para favorecer a aprendizaxe.
Duración: 60 min.


Data: 25/04/2019, ás 18:00
Compañía: Pedro Brandariz
Actividade: Os contos do Grúfalo
Idade recomendada: 4-10 anos
Descrición: espectáculo de narración oral protagonizado por un ratiño que vai atopando diferentes animais no bosque. Todos o queren papar, pero de todos eles consegue salvarse con moita astucia e recurrendo a un ser imaxinario: o Grúfalo. Unha invención da súa cachola que se cadra finalmente non era tal…
Duración: 50 min.


Data: 02/05/2019, ás 18:00
Compañía: Beatriz Cabaleiro
Actividade: Contacontos creativo
Idade recomendada: 5-9 anos
Descrición: Leremos un conto ilustrado e realizaremos actividades plásticas relacionadas cos nosos personaxes favoritos. Así mesmo, entre todos os participantes, crearemos un conto único e diferente a partir de xogos creativos. Pois non hai nada máis valioso que descubrir o mundo a través dos ollos dun neno.
Duración: 60 min.


Data: 09/05/2019, ás 18:00
Compañía: Charo Pita
Actividade: Dondondirindonga e Dondondirindón
Idade recomendada: 0-3 anos
Descrición: Dondondirindonga e Dondondirindon son dúas campás que viven no alto dunha torre. Todo o mundo coñece o seu cantar, pero un día as campás enmudecen. Quen será capaz de devolverlles a voz?
Duración: 30 min.


Data: 16/05/2019, ás 18:00
Compañía: Carballo con botas
Actividade: Unha árbore ven a vernos
Idade recomendada: 4-12 anos
Descrición: contos para abrazar ás árbores. Chegan os teixos, freixos, bidueiras, aciñeiras, buxos… para contar as súas historias, para aprender a abrazar ás árbores, a coidar bosques, fragas, soutos…, para plantar unha árbore que conte contos, en defensa do futuro.
Duración: 50 min.


Data: 23/05/2019, ás 18:00
Compañía: Cris de Caldas
Actividade: Eu conto, ti contas… elas contan
Idade recomendada: 4-12 anos
Descrición: contacontos de igualdade. Princesas valentes, mulleres que fan maxia con frecuencia, mulleres artistas… e mulleres de conto tan especiais como María Victoria Moreno. Contos con mulleres, e sobre todo contos de e sobre mulleres.
Duración: 45 min.


Data: 30/05/2019, ás 18:00
Compañía: Galeteatro
Actividade: Comechíns, segundo prato
Idade recomendada: 4-12 anos
Descrición: mergullarémonos nun mundo imaxinario, no que as cativas e os cativos, e os que non o son tanto, descubrirán como a lectura pode abrir o apetito… E sobre todo, que cousas convén comer para saciar ese apetito.
Duración: 40 min.


Data: 06/06/2019, ás 18:00
Compañía: Donde viven los cuentos
Actividade: A toupiña que quería saber…
Idade recomendada: 0-8 anos
Descrición: contacontos e obradoiro. Actividade baseada no conto “A toupiña que quería saber quen lle fixera aquilo na cabeza” de Werner Holzwarth. Cunha temática divertidísima, ¿adiviñas de que se trata? Contos, música, xogos… e o mellor: tocar e probar as “cacas” dos animais do conto.
Duración: 60 min.


Data: 13/06/2019, ás 18:00
Compañía: Trinke-Trinke Teatro
Actividade: Paxariños
Idade recomendada: 0-3 anos
Descrición: Vanessa ten un xardín, turelí. No xardín hai un niño, tureló. No niño hai un ovo, turelí.  Espera que dese ovo enorme que nos amosa saia un paxariño. A banda sonora deste contacontos teatral é obra orixinal do compositor coruñés Tito Barbeito.
Duración: 35 min.


Data: 20/06/2019, ás 18:00
Compañía: Raquel Queizás
Actividade: Contos pola igualdade
Idade recomendada: 3-11 anos
Descrición: historias de nenas e nenos (e tamén animais) que rompen os estereotipos tan frecuentes nos contos tradicionais. Atoparemos nenas decididas e nenos sensibles. Identificaremos situacións cotiás onde a agresividade física e verbal pode ter solución grazas á palabra, e gozaremos xogando coa imaxinación que nos une.
Duración: 50 min.


Data: 03/10/2019, ás 18:00
Compañía: Biosbardos
Actividade: Como axudo a Antón?
Idade recomendada: 6-12 anos
Descrición: Contacontos sobre o bullying. Se desenvolve en dúas partes: unha primeira onde se conta a historia, e unha segunda onde haberá un pequeno debate sobre o tema, onde os nenos e nenas califican o comportamento das personaxes do conto cunhas tarxetas vermellas ou verdes. Entre todas e todos intentaremos correxir os feitos que non nos gustan.
Duración: 60 min.


Data: 10/10/2019, ás 18:00
Compañía: Animar-T
Actividade: Onde está o vento?
Idade recomendada: 0-3 anos
Descrición: á Tareixa, o que máis lle gusta no mundo é xogar cos seus muíños de vento. Pero un día deixan de xirar. ¿Onde iría o vento?
Duración: 50 min.


Data: 17/10/2019, ás 18:00
Compañía: Eduvía
Actividade: Contos Dada o Duende
Idade recomendada: 3-12 anos
Descrición: o Duende Dada deleitaranos cun repertorio de contos marabillosos nos que se traballarán diferentes valores como a convivencia e a igualdade, o respecto polo medio ambiente e o traballo en equipo. Unha divertida forma de fomentar o hábito lector entre os máis pequenos a través destes contos máxicos.
Duración: 50 min.


Data: 24/10/2019, ás 18:00
Compañía: Carmen Domech
Actividade: Contos para pasalo de medo
Idade recomendada: 3-12 anos
Descrición: din que a señora Antonia é unha meiga. Será polo seu aspecto? Sombreiro de pico, nariz afiado, a costa encurvada, andar decidido e saia morada. Ou polos seus amigos? Bandidos, pantasmas, morcegos e almas. Pero a señora Antonia, a través de cinco historias, achegaranos a un mundo de tebras onde co humor, o amor e o terror, ímolo a pasar de medo.
Duración: 50 min.


Data: 31/10/2019, ás 18:00
Compañía: Beatriz Alonso Cabaleiro
Actividade: Contacontos interactivo en inglés
Idade recomendada: 4-8 anos
Descrición: Hey  there,  it´ s  storytime!  Leremos un conto ilustrado e realizaremos actividades plásticas relacionadas cos nosos personaxes favoritos mentres cantamos cancións infantís en inglés. Divertido e apto para todos os niveis. Come  and  join  us!
Duración: 60 min.


Data: 07/11/2019, ás 18:00
Compañía: Juste Kamishibai
Actividade: As historias viaxeiras: kamishibai e teatro de papel
Idade recomendada: 4-11 anos
Descrición: montaxe onde se interpretan contos e lendas de todos os continentes e historias propias que teñen como obxecto inculcar unha serie de valores relacionados coa cooperación, a igualdade, a concienciación ambiental e o interese pola lectura. Combina a manipulación do kamishibai e a técnica de luz emaki (teatro tradicional xaponés), escenarios despregabres pop-up e revisións persoais do teatro de papel.
Duración: 50 min.


Data: 14/11/2019, ás 18:00
Compañía: La nube teatro
Actividade: O sapiño que non quería comer
Idade recomendada: 0-3 anos
Descrición: narración oral do conto “O sapiño que non quería comer” A través da estimulación sensorial e da narración, os nenos e nenas desenvolverán os seus sentidos e poñeranse en contacto coa compaixón e o respecto á vida dos animais cunha historia terna e sensible que toca un tema actual.
Duración: 30 min.


Data: 21/11/2019, ás 18:00
Compañía: Trinke-Trinke Teatro
Actividade: Rato canguro
Idade recomendada: 3-12 anos
Descrición: O rato Fuco visita a biblioteca na compaña dun bebé ao que ten que coidar (en Lonxedetodo, comunidade igualitaria onde viven os ratos e ratas de biblioteca, os coidados son cousa de tod@s!). Uns amigos van de esmorga e el comprometeuse a ocuparse do seu fillo, o cochiño Cochín. Daralle a merenda, cambiaralle o cueiro e pasará unha divertida tarde con el. Ah! Tamén haberá contiños de porquiños, os favoritos de Cochín.
Duración: 40 min.


Data: 28/11/2019, ás 18:00
Compañía: Pedro Brandariz
Actividade: Contos e outras andrómenas
Idade recomendada: 4-10 anos
Descrición: espectáculo de narración oral composto por tres historias, protagonizadas por unha pantasma, un paraugas e un parrulo. Historias rescatadas da tradición oral que son adaptadas polo narrador aos tempos actuais, para transmitir unha serie de valores educativos como son: a igualdade de xénero, o compañeirismo e o optimismo vital… non son cousa cativa.
Duración: 50 min.


Data: 05/12/2019, ás 18:00
Compañía: Donde viven los cuentos
Actividade: Daniela Pirata
Idade recomendada: 3-8 anos
Descrición: contacontos e obradoiro pola igualdade. A través do divertidísimo conto de Daniela Pirata, fomentarase a educación na igualdade e no respecto. As rapazas e rapaces terán que superar as 7 probas piratas, buscarán un tesouro… e rematarán cun pequeno obradoiro no que nos preguntaremos si existen as cousas de nenos e as cousas de nenas.
Duración: 60 min.


Data: 12/12/2019, ás 18:00
Compañía: Migallas Teatro
Actividade: Un berce cheo de contos
Idade recomendada: 0-3 anos
Descrición: chega a hora de durmir pero Chispa non ten sono. Meu pobre, non para de chorar… Teremos que contarlle uns contos e arrolalo para o sono chamar. Un berce cheo de contos é unha actividade para bebés a partir de seis meses na que se conxuga a tradición oral, os álbumes ilustrados e a música en directo.
Duración: 30 min.


Data: 19/12/2019, ás 18:00
Compañía: Raquel Queizás
Actividade: Travesías
Idade recomendada: 3-8 anos
Descrición: Faremos viaxes cheas de aventuras nas que coñeceremos a nenas e mulleres bravas que loitaron contra os prexuízos para conseguir alcanzar os seus sonos. Agora poderemos contar contos de mulleres que non son salvadas por homes, senón que aparecen decididas e resoltas nas súas propias vidas. Contos que transmiten valores de igualdade, respecto e convivencia entre nenas e nenos.
Duración: 50 min.




 

 

ACTIVIDADES PECHADAS:

Biblioteatro: “Contaloucos”, de Tanxarina Títeres
Un espectáculo tolo, tres tolos titiriteiros presentan unha tolería de representación para escenificar dous contos escollidos da literatura máis universal e contemporánea. Dúas historias relatadas con animacións diversas e traballo de actores, nun divertido e permanente xogo escenográfico cheo de gags imaxinativos e situacións cómicas.
DATA: xoves 27 de decembro (horario 18:00).


Obradoiro infantil de ciencia
Obradoiro didáctivo e divertido sobre un tema científico, para nenos/as entre 8 e 13 anos, co motivo do Mes da ciencia.
DATA: luns 26 de novembro (18:00-20:00)
MÁIS INFO>>>>>>



Alfabetización dixital para maiores

Formación no uso das tecnoloxías da información e do coñecemento para poboación en risco de exclusión dixital.
DATAS: mércores 10, 17, 24, 31 outubro e 7, 14, 21, 28 novembro (horario 09:30-11:00)
MÁIS INFO>>>>>>


Biblioteatro: “Pequena”, de Talía Teatro
Hai pequenas que son xigantes, e hai pequenas cunha imaxinación grande. Hai grandes pequenas e grandes pequenos, tan grandes que poden cambiar o mundo ao seu xeito.
DATA: xoves 29 de novembro (horario 18:00).
MÁIS INFO>>>>>>


Xornadas de formación de usuarios/as
Formación de persoas adultas no uso da biblioteca, con especial atención ao manexo do catálogo en liña-OPAC e á páxina web da biblioteca.
DATAS: luns 3 de decembro (horario 18:30-20:00)
MÁIS INFO>>>>>>


Obradoiros de fotografía dixital
Formación no uso dunha cámara réflex, técnicas básicas de fotografía e uso dunha aplicación informática para revelado dixital.
DATAS:
-NIVEL 2: venres 9, 16 novembro (horario 17:00-20:00)
MÁIS INFO>>>>>>


Biblioteatro: “O pobre Ton”, de Os tres tenedores
Desde o día que naceu Ton foi un rapaz diferente, e os diferentes moitas veces non son ben acollidos. Diversas aventuras e desventuras farán que tome unha decisión que cambiará para sempre a súa vida.
DATA: xoves 25 de outubro (horario 18:00).
MÁIS INFO>>>>>>


+Que libros: proxección documental “Santa liberdade” e coloquio
Celebramos o día das escritoras coa proxección deste documental, que narra o secuestro do trasatlántico “Santa María” polo grupo de antifascistas galegos e portugueses autoorganizados no Directorio Revolucionario Ibérico de Liberación ( DRIL). Tras a proxección teremos un coloquio coa súa directora, Margarita Ledo Andión.
DATA: venres 26 de outubro (horario 19:00)
MÁIS INFO>>>>>>


Charla: “Mulleres rebeldes e transgresoras: María Xosé Porteiro e María Xosé Queizán”
Participamos con esta charla na celebración do Día das Escritoras convocado pola Biblioteca Nacional de España a Federación Española de Mujeres Directivas, Ejecutivas, Profesionales y Empresarias  e a Asociación Clásicas y Modernas (CyM).
DATA: luns 15 de outubro (horario 19:00)
MÁIS INFO>>>>>>


Biblioteatro: “Contos nas orellas”, de Migallas
Contos de risa, trasnos e carapuchiñas. A tradición oral da man da literatura infantil. Co ritmo das ondas no noso maxín, entraremos no mundo da fantasía e da imaxinación…
DATA: xoves 27 de setembro (horario 18:00).


BIBLIOTEATRO: “O CREBANOCES” DE MARÍA LARRAITZ URRUZOLA
Descrición: O Crebanoces é un espectáculo para títeres inspirado no conto de Hoffmann e dirixido a público familiar. Na noite de Nadal o padriño regálalle á pequena Clara un crebanoces con forma de boneco. De tanto partir noces, o boneco acaba rompendo, e Clara desgústase moito. Para consolala o padriño contaralle a historia do boneco Crebanoces, xa que o Crebanoces en realidade é un valente personaxe que loitou co seu exército de xoguetes contra a raíña dos ratos.
Datas e horario: xoves 28 de xuño (18:00).


OBRADOIRO DE ESCRITURA CREATIVA
Descrición: obradoiro intensivo de iniciación á escritura centrado no desenvolvemento da creatividade, a experimentación literaria e o pracer de escribir.
Datas e horario: 6, 7, 13, e 14 xuño (18:15-20:15)


OBRADOIRO DE COCIÑA SEN GLUTEN
Descrición: actividade didáctica e informativa sobre a celiaquía para público familiar. Elaboración de pratos salgados e doces, e como preparar un menú sen gluten para un cumpleanos infantil.
Datas e horario: mércores 30 e xoves 31 de maio (17:00-20:30).


BIBLIOTEATRO: “MUIÑADA” DE GALEATRO
Descrición: Muiñada conta a historia de Sabela e Xacobe que por un malentendido coa quenda se atopan nun muíño de auga. Ó ver que os dous non poden moer ó mesmo tempo, comezan unha discusión na que o xogo, as lendas, a tradición e a música farán que os cativos e os que non oson tanto se acheguen a un edificio que foi fundamental para a Galicia: o muíño de auga.
Datas e horario: xoves 31de maio (18:00).


Feira do libro
Descrición: as novidades editoriais saen á rúa para achegarlle á cidadanía o libro e a lectura. Haberá postos de venda de exemplares xestionados polos libreiros, e unha extensa programación de actividades paralelas dirixidas a todas as idades, como charlas, encontros con autores, espectáculos infantís, presentacións de libros, etc.
Datas e horario: 10, 11, 12 e 13 de maio.


Biblioteatro: “Tio Miseria” de Fantoches Baj
Descrición: Tío Miseria é un espectáculo de monicreques de luva e variña, onde os personaxes son utensilios de cociña de uso cotián. A historia, creada a partir dos contos populares O Ferreiro e o Demo e O peral da Tía Miseria, conta en clave humorística o porqué da existencia da miseria no mundo.
Datas e horario: xoves 26 de abril (18:00).


Paseo polos barrios de San Benito e San Sebastián

Descrición: A partir de bibliografía sobre o tema, organizamos un roteiro ou visita guiada aos edificios máis emblemáticos destes populares barrios porriñeses.
Datas e horario: luns 23 de abril (17:00-20:00).


Biblioteatro: “Pavillón Lino” de Caramuxo
Descrición: Unha trepidante comedia de variedades pola que desfilarán unha morea de pintorescos personaxes: os auténticos autómatas; os monicreques de cachiporra; Monquina “A gorila bailarina” e como non, Charito de Mera e a súa pulga. Un espectáculo cunha coidada posta en escena para gozar en familia.
Datas e horario: xoves 22 de marzo (18:00).


Actuación grupo musical “De Vacas”
Descrición: co motivo do Día Internacional da Muller, concerto desta banda nacida para devolverlle a dignidade a todas esas cancións maltratadas pola historia.
Datas e horario: venres 9 de marzo (20:30).


Biblioteatro: “Laranxus 7” de Avento
Descrición: Laranxus 7 é un espectáculo de títeres dirixido a público infantil, no que se tratan temas como a ecoloxía, a toerancia, a amizade e a solidaridade.
Datas e horario: xoves 22 de febreiro (18:00).


Obradoiro de videocreación para Booktubers
Descrición: formación para booktubers: proceso creativo e audiovisual para facer comentarios, recomendacións de libros e compartilos en Youtube.
Datas e horario: xoves 15 de febreiro (10:30-12:30).


Presentación do libro: “O Porriño: historia & patrimonio cultural”
Descrición: presentación do libro escrito por Xosé Ramón Paz Antón, con fotografías de Xulio Gil.
Datas e horario: xoves 18 de xaneiro (20:00 h).


Nome Cando
Alfabetización dixital. Nivel I. Grupo 2 4-11-18-25 de outubro, 8-15-22-29 de novembro
Conversa en inglés. Grupo 3 (Nivel I e II) 10-17-24-31 de outubro, 7-14-21-28 de novembro
Obradoiro infantil: incendios 10 de novembro
Obradoiro de fotografía dixital 3 20-27 de outubro
Exposición bibliográfica Estefanía 23 de outubro-03 de novembro
Documental Estefanía 23 de outubro
Charla: Mulleres: saber e poder 16 de outubro
Alfabetización dixital. Nivel III 24-31 de maio, 7-14-21-28 de xuño
Escritura creativa 7, 8, 14, 15 de xuño
Obradoiro Coidemos o mar! 05 de xuño
Conversa en inglés. Grupo 2 (Nivel I e II) 18-25 de abril, 2-9-16-23-30 de maio, 6 de xuño
Exposición celiaquía 22 de maio-02 de xuño
Obradoiro cociña sen glute 23 de maio
Obradoiro de fotografía dixital 2 21-28 de abril
Feira do libro 11-14 de maio
Teatro para escolares 19 de maio
Alfabetización dixital. Nivel II 15-22-29 de marzo, 5-19-26 de abril, 3-10 de maio
Faladoiro sobre Casares 10 de abril
Roteiro Bar Bóo 17 de abril
Espectáculo Yolanda Castaño 18 de abril
Obradoiro de fotografía dixital 1 24-31 de marzo
Conversa en inglés. Grupo 1 (Nivel I e II) 7-14-21-28 de febreiro, 7-14-21-28 de marzo
Alfabetización dixital. Nivel I. Grupo 1 18-25 de xaneiro, 1-8-15-22 de febreiro, 1-8 de marzo
Mesa redonda sobre igualdade 06/03/2017
Lúa ConLuvas Anual. Todos os xoves
Alfabetización dixital para adultos. Iniciación (4º quenda) 7, 14, 21 e 28/dec
A hora do código 13/dec
Alfabetización dixital para adultos. Iniciación (3º quenda) 9, 16, 23 e 30/nov
Grupos de conversa en inglés (4º quenda) 8, 15, 22e 29/nov
A comuniteca 14, 28/out e 11, 25/nov
Obradoiro de ciencia 18/nov
Alfabetización dixital para adultos. Elemental (4º quenda) 5, 19, 26/out e 2/nov
Grupos de conversa en inglés (3º quenda) 4, 11, 18 e 25/out
Alfabetización dixital para adultos. Elemental (3º quenda) 7,14,21,28/set/16
Cultura urbana en estado puro 2,3/set/16
Praza de abastos: proxecto dun espazo público 2,3/xuño/16
Alfabetización dixital para adultos. Iniciación  (2º quenda) 1,8,15,22/xuño/16
Grupos de conversa en inglés (2º quenda) 3,10,24,31/maio/16
Alfabetización dixital para adultos. Iniciación  (1º quenda) 4,11,18,25/maio/16
Fotografía dixital (2º quenda) 6,13/maio/16
Fotografía dixital (1º quenda) 8,15/abril/16
Escritura creativa (2º quenda) 12,13/abril/16
Escritura creativa (1º quenda) 5,6/abril/16
Alfabetización dixital para adultos. Elemental (2º quenda) 6,13,20,27/abril/16
Grupos de conversa en inglés (1º quenda) 8,15,22,29/marzo/16
Alfabetización dixital para adultos. Elemental (1º quenda) 2,9,16,30/marzo/16
Ciclo de charlas “Mulleres científicas” 3, 7, 9/marzo/16