eFilm

eFilm é a plataforma de préstamo e visualización de audiovisuais en streaming para persoas usuarias da biblioteca do Porriño. Soamente tes que darte de alta na biblioteca para acceder de forma gratuíta e legal a milleiros de películas, series, curtas, documentais, concertos e moitos máis contidos audiovisuais.

Para facer uso do servizo eFilm da Biblioteca do Porriño é necesario:

  • Ser socio/a da Biblioteca do Porriño
  • Ter máis de 14 anos de idade
  • Cubrir o formulario de alta na biblioteca de forma presencial, indicando un email válido

Tras darte de alta na biblioteca recibirás a túa clave de acceso no email que indicaches. 


Condicións de préstamo:

Os audiovisuais están clasificados por cores: negra ou vermella. Podes tomar en préstamo un número ilimitado de obras de cor negra, pero un máximo de 3 obras de cor vermella á semana (o contador reiniciase os venres).

Tras confirmar o préstamo terás 72 horas para visualizar a obra. Durante ese período podes visualizala o número de veces que queiras. En todo momento podes consultar os préstamos activos no apartado “A miña conta”.


Acceso:

Accede a eFilm da Biblioteca do Porriño na dirección https://porrino.efilm.online/es/porrino/

Inicia sesión cos teus datos persoais:

  • Usuario: o teu número de carné da biblioteca.
  • Contrasinal: a que recibiches por email.

Escolle o teu audiovisual:

Para escoller o teu audiovisual tes varias opcións dispoñibles:

  1. Un campo de BUSCADOR SIMPLE e unha opción de BUSCA AVANZADA. Podes facer buscas por xénero, título, dirección actores e actrices, anos, idiomas, idades recomendadas…
  2. Un MENÚ POR CATEGORÍAS. Na pestana Películas poderás buscar por tipo de audiovisual (películas, curtas, documentais, series ou concertos) e xénero (acción, comedia, cinema español…). En Series poderás buscalas de adultos e infantís. En Listas tes distintas seleccións para escoller (máis prestadas, máis valoradas…). En Según procedencia poderás escollelas segundo a orixe (americanas, europeas, africanas…).
  3. Na parte inferior atoparás outras LISTAS SELECCIONADAS pola biblioteca con diferentes propostas.

Para consultar a información básica das obras (duración, valoración, ano…) soamente tes que pasar o rato por riba da cartela. Se queres aínda máis información fai clic na portada e accederás á información completa do audiovisual.


Espazo persoal:

Desde calquera parte da plataforma terás acceso ao teu espazo persoal, para consultar distinta información:

A miña conta: para consultar os préstamos dispoñibles e cambiar a túa contrasinal.

Os meus préstamos: para consultar os préstamos activos, a data de préstamo/devolución, valorar as obras…

Gústame: para consultar as nosas valoracións e puntuacións.

As miñas listas: onde podemos crear e xestionar diferentes listas persoais de audiovisuais (por exemplo, as que nos gustaron, as que queremos ver…).

Pechar sesión: e cando remates, recorda pechar a túa sesión.