Seleccións

seleccions

Neste apartado atoparás distintas seleccións que poden ser do teu interese. Na biblioteca as realizamos periodicamente, segundo temas que podan resultar atractivos para os nosos usuarios e usuarias, co fin de propoñer lecturas e rescatar libros da nosa colección que puideran pasar desapercibidos ante a forza das novidades e dos bestsellers.

Ofrecémosche un enlace directo ás listaxes de libros no noso catálogo, onde poderás ampliar a información, reservalos, comentalos ou etiquetalos.

    • Máis vendidos do 2016: selección dos libros máis vendidos no 2016 nas librarías españolas e galegas.

    • Buen rollito: Porque a vida tampouco está para romperse a cabeza, todos sabemos apreciar o valor da literatura lixeira en determinados momentos. Velaquí unha selección de novelas feel-good, libros que encontrarás na biblioteca, libros en plan positivo, sen traxedias nin enredos.

    • A mellor novela negra: Unha selección dos mellores libros deste xénero publicados nos últimos anos.

    • Recomendados 2016: libros publicados no 2016 recomendados polos libreiros españoles e galegos.

    • @novaPoesia: En España estamos vivindo o renacemento da poesía a través dunha nova xeración de escritores empática, directa e visceral, que se move con comodidade nas redes sociais e na música, e que afortunadamente está gozando dun enorme éxito de público.

    • Mozas e latinas: Ábrense paso entre as complicadas redes da industria, a crítica e o gran público. Ábrense paso entre as etiquetas do machismo, a discriminación, os prexuízos e a incultura. As súas voces son diversas e representan a xeracións distintas: pero estanse abrindo paso. As escritoras de América latina gañan protagonismo na literatura en español. Velaquí unha selección de libros da biblioteca, de escritoras que están a despuntar no panorama literario hispanoamericano.

    • Libros para entender Galicia: o noso país é unha terra de néboas e ás veces pode ser difícil ver con claridade a través delas. Pero hai libros que nos axudan a entendela. Velaquí unha selección deles.

    • Libros para perdese: novelas para facer a mochila e largarse deste o noso occidente civilizado, artificial, urbanita e, para moitos, anódino.