Colección física

AVISO: os nosos servizos están modificados debido á pandemia do COVID-19

Busca

Si estar a buscar un exemplar podes facelo no catálogo da Rede de Bibliotecas de Galicia, escollendo a nosa biblioteca (recomendamos facer a busca despois de acceder á túa conta persoal).

O catálogo ofrece diferentes opcións de busca (simple e avanzada) e permite localizar documentos en toda a rede ou limitar os resultados a unha biblioteca concreta acoutando a busca a través de diversos datos (palabra clave, título, autor, materia, tipo de material, lingua,…). Ademais, unha vez realizada a busca, os resultados poden filtrarse por xénero, idioma, lugares, materias,…

Si o prefires, tamén podes consultarnos de forma presencial, por teléfono (986 337 624) ou por correo electrónico (biblioteca@oporrino.org).

E recorda que tamén tes á túa disposición o catálogo da colección dixital como alternativa ou si prefires este tipo de formato.

Préstamo

Podes levar a casa exemplares da biblioteca. As condicións de préstamo son as seguintes:

  • Libros: máximo 5 exemplares por prazo de 21 días, coa posibilidade dunha renovación.
  • DVD: máximo 2 exemplares por prazo de 7 días, coa posibilidade dunha renovación.

Pero ademais, en toda a rede de bibliotecas poderías levarte ata un máximo de 20 exemplares.

Para levar en préstamo, simplemente escolle aqueles libros ou películas que che interesen e preséntaos no mostrador da biblioteca xunto co teu carné de socio.

No caso de que te pases na data de devolución, serás automaticamente sancionado: 1 día de suspensión por cada día de atraso e exemplar. A suspensión supón non poder levar en préstamo, renovar nin reservar en toda a rede de bibliotecas.

Renovación

No caso de que os necesites máis tempo, podes renovar os teus exemplares. As renovacións poden ser:

Poderás efectuar as túas renovacións dende 5 días despois do préstamo ata o día de vencemento. Non poderás renovar si o exemplar está reservado por outra persoa. Tampouco si estás sancionado ou tes préstamos fóra de prazo.

Soamente se pode renovar unha vez, pero podes devolvelo na biblioteca e volver a levalo en préstamo si non está reservado por outra persoa.

Reserva

Podes reservar un exemplar que neste momento estea prestado a outra persoa. Cando estea dispoñible chegarate un aviso por email e ademais chamarémoste por teléfono. Podes facer as reservas:

Poderás reservar un máximo de 3 libros e 2 DVD ao mesmo tempo. E unha vez que estean dispoñibles disporás de 3 días para pasar a recollelos pola biblioteca.

Suxestións de compra

Si che interesa algún libro pero non o temos na colección, podes facernos unha suxestión de compra de dúas formas:

  • A través da túa conta
  • De forma presencial, cubrindo un impreso

Agradecemos que as persoas usuarias colaboren formando unha colección máis útil e pertinente para toda a nosa comunidade, polo que a túa proposta será moi valorada. Pero has de ser consciente de que unha suxestión non supón un compromiso de compra. No caso de non ser aceptada (obras que non se axustan á colección, obras de temática moi específica, exemplares moi caros, obras descatalogadas, non publicadas, imposibles de servir…) a biblioteca non terá que xustificarse. O máximo de suxestións aceptadas por persoa usuaria é de 4 títulos por ano.

No caso de aceptarse serás avisado/a en canto o libro estea dispoñible na biblioteca para que o podas levar en préstamo.