E agora que leo?

É difícil escoller entre a enorme oferta editorial existente. Para facilitarche as cousas propoñemos que descubras a túa próxima lectura botando man de catro recursos distintos: a consulta das novidades da nosa biblioteca, as diferentes seccións na nosa colección, diversas seleccións temáticas que facemos para vós e, por último, unha serie de recursos online de recomendacións de lecturas.

Novidades da biblioteca

Es unha persoa á que lle gustan as publicacións máis recentes do mercado. E na biblioteca estamos a actualizar a colección constantemente. A través destes enlaces poderás consultar as nosas últimas incorporacións:

Seccións

Na biblioteca temos diferentes seccións de lecturas con temas moi consultados. Poderás atopalas ben diferenciadas na nosa Sala de Consulta, e desde internet nas seguintes listaxes:

  • Os + prestados: as novelas máis prestadas na biblioteca do Porriño de 2019 a 2021 (+info).
  • Eco: libros sobre ecoloxía, cambio climático e vida sostible para todas as idades.
  • Biblioterapia: lecturas que curan problemas emocionais e mentais (+info).
  • Buen rollito: literatura feel-good para non romperse a cabeza.
  • BibliodiverXo: lecturas sobre diversidade sexual.
  • Autoaxuda: libros para o desenvolvemento persoal.
  • Crianza: lecturas que axudan na crianza para nais e pais .
  • Gastronomía: libros sobre alimentación e arte culinaria.
  • Viaxes: lecturas para ver mundo.
  • Inglés: libros para aprender inglés e literatura en inglés para todas as idades.
  • NoMoreMatildas: lecturas infantís para fomentar referentes femininos no mundo da ciencia (+ info e ebooks)

Seleccións temáticas

Propoñemos unha serie de lecturas recomendadas: as seleccións con máis éxito da biblioteca. Todas con enlace directo ao catálogo, onde poderás ampliar a información, reservalas, comentalas ou etiquetalas.

Amigo lobo
Selección de contos infantís (+info)

Mamás
Contos para celebrar o Día da Nai (+info)

Destacados 2019
Os títulos máis relevantes do ano: os libros famosos da tempada (+info)

Lecturas inclusivas (infantil)
Libros infantís para unha sociedade máis plural e inclusiva (+info)

Para perderse
Novelas para facer e mochila e dicir adeus.

Biografías que molan
Poden ser máis emocionantes que as novelas (+info)

Nenas empoderadas (infantil)
Literatura infantil para unha sociedade máis igualitaria (+info).

A mellor novela negra
Do mellorciño dun xénero clásico (+info)

Libros para entender Galicia
Porque somos xente especial.

Mozas e latinas
Unha nova xeración de escritoras ábrese paso na literatura.

Libros sobre libros
Amamos os libros, e aínda máis os libros sobre libros.

Nova poesía
Unha nova xeración empática, directa e visceral, con moito éxito.

Destacados 2018
Os títulos máis relevantes do ano: os libros famosos da tempada.

Destacados 2017
Os títulos máis relevantes do ano: os libros famosos da tempada.

Destacados 2016
Os títulos máis relevantes do ano: os libros famosos da tempada.

Recomendacións online

Ofrecemos un repertorio de plataformas onde podedes atopar recomendacións de lecturas, consultar clasificacións de máis vendidos, obter información sobre libros, novidades editoriais e interactuar con comunidades de lectores. Recursos que seleccionamos para atopedes a vosa próxima lectura.

En galego…

Criticalia: Blog de Armando Requeixo co apartado de “Tabela dos libros”, onde cada mes ofrece unha lista de novidades recomendadas por parte de escritores, críticos e profesionais do sector.

Caderno da crítica: Blog sobre literatura galega creado por Ramón Nicolás. Ademais de diversos contidos sobre literatura, ofrece información e críticas sobre as novidades editoriais en galego máis salientables.

LG3: Portal de literatura galega do Consello da Cultura Galega. Críticas, novidades editoriais, información sobre libros e autores galegos.

En castelán…

Todos tus libros: Plataforma das librarías españolas, con clasificación real dos máis vendidos e recomendacións de lectura.

Anobii: Esta rede social permite que descubras novos libros grazas a unha activa comunidade arredor da lectura. Compartir, comentar, recomendar e buscar libros por clasificacións, xénero e recomendacións dos participantes.

Lecturalia: A maior comunidade de lectores en castelán, con recomendación de libros, críticas, opinións e novidades editoriais.

QueLibroLeo: Descubre a túa próxima lectura: novidades, recomendacións, seleccións, clasificacións , opinións… Comunidade de lectores e clubs de lectura online.

Leoteca: Comunidade lectora de libros infantís. Para pequenos (compartir experiencias, facer suxestións, recomendacións, comentarios, votar libros, descubrir as próximas lecturas). Pero tamén para maiores e docentes.

E ademais…

Wattpad Español: Versión latina da popular plataforma online de lectura e escritura. Rede social que permite aos autores e lectores interactuar, facer votos e comentarios, etc.

Goodreads (en inglés): Comunidade virtual de “catalogación” de lecturas. Poderás organizar as túas lecturas, obter información sobre libros e relacionarte con outros lectores.

LibraryThing (en inglés): Comunidade virtual de catalogación compartida de libros. Catálogos, comentarios e valoración de libros entre usuarios, autores, editoriais e bibliotecas.